LEGAZPI CITY-Nakapagrehistro na an Department of Health (DOH) nin kabilugang 376 na insidente kam banggaan sa kakalsadahan sa nacion sa tahaw kan holiday season poon Disyembre 21 sagkod 28 ngonian na taon.
Ini an 5.76 porsiyentong mas hababa kumpara sa kaparehong panahon kan taong 2024.
Pinakahalangkaw an numero kan road crash sa Region II, sinundan kan Region IV-A asin Region V.
Ipinapahiling kan datos na mga lalaking edad 15 hasta 29 anyos an pinakaapektado.
Kadaklan man sa mga insidente an kinaiimbueltuhan kan motorsiklo, na nagbibilog sa 73 porsiyento kan mga kaso.
Sa nasabing numero, 84 porsiyento an warang sulot na safety accessories, mantang 13 porsiyento man an imbuelto sa pagmamaneho na nasa impluwensiya kan arak.
Kasunod kaini, padagos na nangangapudan an mga otoridad sa mga motorista na magsulot kan tamang safety gear, likayan an pag-inom bago magmaneho, asin magsunod sa mga batas trapiko.
