Ipighayag kan Department of Health (DOH) na bastante an suplay kan mga bulong sa nacion asin sienerto na dae piglalaoman an paghalangkaw kan presyo kaini sa tahaw kan krisis sa enerhiya.
Segun ki Health Secretary Ted Herbosa, semanahan nang pigmo-monitor kan ahensya an sampulong pangenot na bulong, kabale an para sa hypertension, diabetes, cholesterol, asin antibiotics, nganing masierto na warang pananamantala sa merkado.
Sinabi man kan kalihim na sa irarom kan Cheaper Medicines Act, pigsugo an DOH, Department of Trade and Industry, Department of the Interior and Local Government, asin mga lokal na gobierno na bantayan an presyo kan mga pangenot na bulong sa merkado.
Pwedesir na hilingon kan publiko ang presyo kan mga bulong sa paagi kan drug price watch sa eGovPH app, kun sain mahihiling an pinakaharaning botika asin an pinaka-abot kayang presyo nin mga bulong.
