LEGAZPI CITY – Ipigluwas na kan Provincial Government kan Catanduanes an kumpletong listahan kan labi sa sampulong kandidata na magtatapatan para sa sarong korona asin titulo bilang Binibining Catandungan 2019.
Nasa 14 magagayon na kandidata an magrerepresentar sa manlain-lain na banwaan sa island province.
Nakalinyada naman an pre-pageant activities sa Oktubre 21 para sa Beach Body, Oktubre 22 an Talent’s Night hasta sa Grand Coronation sa Oktubre 24.
Afuera sa mga aktibidad, kaabang-abang man an mga imbitadong darakulang pangaran na makikiogma.
Dae pa man pigluluwas pa sa presente an pangaran kan nasabing special guest.
