LEGAZPI CITY-Padagos an pig-iimbestigaran kan mga otoridad an tulong classrooms na nasulo sa Leandro I. Verceles National High School sa Barangay Tabugoc, Pandan, Catanduanes.
Segun ki Bureau of Fire Protection Region 5 Pandan Fire Station Officer-In-Charge Senior Fire Officer 1 Rex B Saucelo, sa intrevista kan Bombo Radyo Legazpi, na dakula an kasulo na nangyari sa lugar asin warang ibang nag-responde afuera sa sainda o anuman na bucket relay.
Nagin katuwang man ninda sa pag-apula kan kasulo an Pandan Municipal Disaster Risk Reduction and Management Office asin an Pandan Municipal Police Station.
May kadifisilan man suboot sa saindang pag-responde huli sa lokasyon kan lugar.
Padagos pa an imbestigasyon kan mga otoridad mapadapit sa kawsa asin danyos kan nasambitang insidente.
Mientrastanto, pagirumdom kan opisyal na magin responsable sa kanya-kanyang residential orog na sa mga appliances na dai piggagamit asin ibitaran an pagsulo nin mga basura sa luwas kan mga kaharongan.
