LEGAZPI CITY—Opisyal nang inilansar an Abaca Buying Hub kan gobierno provincial kan Catanduanes nganing matabangan an abaca farmers na madungangan an saindang ganansya.
Segun ki Philippine Fiber Industry Development Authority Catanduanes Provincial Fiber Officer Bert Lusuegro, sa intrevista kan Bombo Radyo Legazpi, sa ngunyan sinunspinder muna an operasyon huli sa dae pa naayos an management kaini alagad posibleng magpadagos na ini sa bulan kan Nobyembre.
Kaipuhan munang ipabakal an siring kan Grade I abaca fiber basado sa presenteng presyo kaini asin may dugang nang P30 kada kilo.
Dugang kaini na kada munisipaliad an may schedule para sa pagpapabakal kan saindang produktong abaca asin kabale sa pwedesir na mag-aprobitsar an mga solo o association farmers.
Kabale sa mga dapat ipabakal na abaca fiber an Grade I, S2 asin H huli sa ini an gigibohon na materyales para sa handicrafts.
Kinakaipuhan na magpresentar nin card na nakaparehistro an abacalero sa Registry System for Basic Sectors in Agriculture (RSBSA).
Segun saiya na may tinagaman an gobierno nin P10 milyon para sa nasabing programa.
