LEGAZPI CITY-Ipinaliwanag kan Bureau of Fisheries and Aquatic Resources Bicol na kabale sa mga endangered species an nadukayang gadan na ‘Sperm whale’ o Balyena sa Barangay Batohonan, Sitio Ilo sa Viga, Catanduanes kan Abril 30, 2026.
Segun kay BFAR Bicol Spokesperson Rowena Briones, sa intrevista kan Bombo Radyo Legazpi na kasing dakula ini kan bus asin tulos ining nai-report kan municipal office kan banwaan asin hiniling an kalagayan kan Marine Mammal Stranding Focal Person.
Nasa advance stage na an balyena kan decomposition kun kaya ibig sabihon, pirang aldaw na ining gadan asin napapadpad sa baybayon kan banwaan.
Dai naman suboot maberipika an ikinagadan kan Balyena huli sa presenteng kondisyon kan lawas kaini.
Dagdag pa kan opisyal na nag-abot sa 25 meters an sukol kaini asin nasa 5 meters an lakbang.
Pigkokonsiderar man an ‘Sperm whale’ sa mga pinakadakula sa sea animals asin marine animals kasabay kan mga giant species, asin nakalista bilang endangered species sa irarom kan Convention on International Trade in Endangered Species of Wild Fauna and Flora (CITES).
Huli digdi, tinawan doon ni Briones na dapat ining protehiran asin enkaso manotaran nin buhay sa mga baybayon kinakaipuhang ibalik sa saindang natural habitat.
Alagad, nilinaw man niya na magayon ining parametro na ibig sabihon mayaman an kadagatan huli ta digdi napapadpad an mga Balyena ngani maghanap nin pagkakan.
Ini na an pangtulo sa mga Balyenang nanotaran sa mga baybayon sa rehiyon, kun sain ikaduwa kan taong 2024 sa Masbate, asin an enot naman sa Camarines Sur kan taong 2019.
