LEGAZPI CITY-Nagbisita si DILG Secretary Juanito Victor Remulla sa Catanduanes para sa blessing and inauguration kan Bureau of Fire Protection building sa banwaan kan Baras asin Virac.
Segun ki Catanduanes Governor Patrick Alain Azanza, sa intrevista kan Bombo Radyo Legazpi, na importante in huli ta haloy nang warang sadiring ofisina kan BFP an duwang nabanggit na banwaan.
Sinabi pa kan opisyal na kun marurumduman nagtao man an DILG nin 19 rescue vehicle sa Catanduanes sa panahon kan kalihim.
Naghagad man siya nin tabang sa kalihim na magkaigwa nin 11 fire trucks asin masolusyunan an sitwasyon kan kuryente sa probinsya.
Sinabi man suboot saiya ni Secretary Remulla na promisa nindang matugunan ini asin isasabay sa oras na magkaigwa nin bidding.
Dugang pa ni Azanza na kinakapuhan na magkaigwa nin pagkakasararo asin makipagtabangan ngani masuportaran an mga programa kan gobernador sa probinsya.
