LEGAZPI CITY—Nagpaotob an Catanduanes State University nin flexible learning modality huli kan nagpapadagos na paghalangkaw sa presyo kan produktong petrolyo magin an halangkaw na heat index.
Segun ki Catanduanes State University President Gemma Acedo, sa intrevista kan Bombo Radyo Legazpi, an schedule kaini an kompwesto nin Week A asin Week B.
An Week A an online learing kun sain pwedesir ining online o modular, ipigpaotob ini puon Abril 13-18; Abril 27-Mayo 2; asin Mayo 11-16, 2026.
Mantang an Week B an face-to-face asin ipigpaotob puon Abril 20-25; Mayo 4-9; sain Mayo 18-23, 2026.
Alagad kinakaipuhan man na i-obserbar an Week B 5-days onsite work asin may regular office hours puon Lunes hasta Sabado/Domingo, kun kinakaipuhan para sa mga non-teaching personnel sa irarom kan College of Law, security officers, farm workers, personnel na nagbabantay sa mga dormitoryo.
Naghihingoa man an opisyal na masimbagan kan mga paratukdo en kaso may mga concerns o kahaputan an saindang mga estudyante mapadapit sa saindang pag-aadal.
