LEGAZPI CITY—Sienerto kan Department of Energy na preparado sindang tabangan an Catanduanes katakod kan problemang pigkakahampang sa suplay nin kuryente sa isla provincia.
Ini makalihis na magkaigwa nin problema sa pondo para sa pagbakal nin diesel na nagpapadalagan kan planta nin kuryente an Sunwest Water and Oil Company (SUWECO).
Segun ki Catanduanes Governor Patrick Azanza, sa intrevista kan Bombo Radyo Legazpi, napagkasunduan ninda na magkaigwa nin long term asin short term solution para sa nasabing problema.
Sa long term solution an haloy pang maiimplementar asin dakol pang proseso kun sain mawot na mai-konektar an isla provincia sa mainland Bicol asin magin on-grid na an saindang lugar.
Dugang kan gobernador na saro sa mga nagin temporamenteng solusyon ninda an pagsuplay kan Philippine National Oil Company an masuplay nin diesel sa paagi kan National Power Corporation para sa SUWECO asin sisiertohon na an suplay an may rasonableng presyo asin gagamiton sa pagpapadalagan kan power plants kan SUWECO.
Sinabi man ni Azanza na satisfy siya sa nagin kasimbagan kan DOE asin piglalaoman niya maisasakatuparan ini urog na ngunyan na mainit an panahon.
