Piglalaomang magigin mapayapa ang sitwasyon asin warang namomonitor na anumang banta sa seguridad sa gigibohong White Ribbon March ngunyan na aldaw, segun ki National Capital Region Police Office (NCRPO) spokesperson Police Major Hazel Asilo.
Nakahanda na man magdeploy ang Philippine National Police nin 9,553 tauhan sa Metro Manila para sa gigibohong rally kan mga grupo kan simbahan asin civil society.
Obheto kan kilos-protesta na mangapudan nin reporma asin pananagutan sa gobyerno, sa tahaw kan nagpapadagos na flood control probe asin impeachment proceedings laban kay Vice President Sara Duterte.
Piglalaomang maabot sa 10,000 indibidwal ang mabale sa martsa na inorganisa ng Inter-Religious Leaders’ Council laban sa korapsyon asin political dynasty.
Segun ki Professor David San Juan, convenor kan alyansang Tama Na, bukas sa gabos an protesta nganing ibusol an adbokasiya laban sa korapsyon asin para sa electoral reform.
Pangapudan man ninda na pahewason an imbestigasyon sa flood control scam, idagos an paglilitis kay VP Sara, asin siertohong mapanimbag an gabos nin imbuelto sa katiwalian.
Matapos an programa sa EDSA People Power Monument sa paagi kan sarong prayer rally asin mga speech gikan sa mga lideres kan manlaen-laeng grupo.
Niolinaw man kan grupo na mantang bukas sa publiko ang martsa, dae tutugutan magtaram an mga politiko nganing malikayang matawan nin kolor politika ang aktibidad.
