Liwat na naalarma an South Korea makalihis an magkakasunod na pagpapalayog kan North Korea nin labi 600 na lobo na may mga basura.
Hali sa teritoryo kan South Korea, pinalayog kaini pabalyo sa border an mga lobo na nagbagsak sa provincia nin Gyeongsang asin Gangwon kan South Korea.
Tulos na inabisohan kan South Korean Defence Ministry an mga residentes na dae magrani sa mga lobo asin magtinir muna sa saindang mga harong.
Kan ranihan na kan mga otoridad an mga lobo nadiskubre na anas na mga basura an nakasabit digdi siring kan mga lumang bado, papel, upos nin sigarilyo asin iba pa.
Ini na an panduwang beses na nagpalayog nin mga lobo an North Korea na naenot naman na naggibo kan kaparehong lakdang kan nakalihis na Miyerkules.
Ginibo ini kan North Korea bilang pagbalos sa piggigibo kan mga aktibista kan South Korea na nagpapalayog man nin mga lobo na may mga propaganda.
Sa ngunyan pinagpaplanohan na kan South Korea an mga paagi kung papanong makakabalos kaiba na an pagbabalik kan pagpapatanog nin mga loud speakers na nakatapat sa North Korea.
