LEGAZPI CITY-Pinag-olayan sa special Association of Southeast Asian Nations (ASEAN) Ministers on Energy Meeting (AMEM) an kooperasyon kan mga nacion na miembro kaini an seguridad sa enerhiya.
Napag-olayam man sa miting an posibilidad kan pagkakaigwa nin ASEAN grid ngani masierto an bastanteng suplay kan kuryente sa rehiyon.
Segun kay Department of Energy (DOE) Secretary Sharon Garin, nagtatabang an ibang miembros kan ASEAN sa mga nacion na nangangaipo nin suplay kan langis arog kan Pilipinas.
Pig-halimbawa niya an South Korea asin Japan na nakikipag-koordinar sa Pilipinas, afuera sa mga nacion na bako miembro kan ASEAN arog kan Africa asin Amerika.
Mientras tanto, sinbi ni Garin na dai pa nakakabakal an Philippine National Oil Company (PNOC) nin langis hale sa Russia.
Mantang dismayado an Ukraine sa nabanggit na lakdang kan Pilipinas, tinawan doon ni Garin na dapat intindihon na naapektuhan an mga nacion sa gera sa pagitan kan Iran asin Amerika.
