LEGAZPI CITY-Isasapinal na kan Maharlika Investment Corporation (MIC) asin kan Philippine National Oil Company (PNOC) ngonian na bulan kan Hunyo an kasunduan na magseserbing mga balangkas para sa planong national oil stockpiling program.
Segun ki Department of Energy (DOE) Secretary Sharon Garin, an national stockpile pamamayohan kan Maharlika Investment Corporation bilang funder asin lead implementator na suportado kan Philippine National Oil Company kun sain hinale na an pangangaipo kan programa na mapondohan kan general appropriations act (GAA).
Sinabi ni Garin na an Maharlika Investment Corporation an mapondo asin magsasagibo kan proyekto poon sa feasibility study sa pinansyal sagkod sa paghahanap nin posibleng kasosyo sa pagpondo asin operasyon.
Enot nang sinabi kan ahensya na nagpromesa na nin suporta an Japanese government para sa nasambitang lakdang.
