Nagbakal an Department of Energy (DOE) asin Philippine National Oil Company (PNOC) nin nasa 21,000 metric tons nin liquefied petroleum gas (LPG) sa Estados Unidos bilang parte kan esfuersos kan gobierno na masierto an bastanteng suplay sa tahaw kan kariribukan sa Middle East.
Sinabi kan Department of Energy na nakatalaan an delivery kan nasabing shipment sa Mayo 20 hasta 31.
Pinaglalaoman na makakadugang ini sa inventory kan nacion asin mapapakusog sa buffer stock.
Dugang pa kan ahensya na nakikipag koordinar na man sinda sa mga stakeholders ngani na mamantenir an suplay asin maprotehiran an pangangaipo kan mga Pilipino sa LPG.
