Uminabot na sa Pilipinas an 21,000 metric tons nin liquefied petroleum gas (LPG) na binakal kan gobierno bilang parte kan Emergency Energy Security Program kan Department of Energy (DOE).
An nasabing shipment an hali sa Texas, USA asin duminaong sa terminal kan South Pacific Inc. sa Calaca, Batangas.
Segun sa DOE, an liquefied petroleum gas na binakal kan Philippine National Oil Company (PNOC) sa paagi kan commodity trader na Trafigura Pte. Ltd. kan Abril 13, 2026.
An kargemento an kumpwesto nin 50% refrigerated propane asin 50% refrigerated butane, na obhetong pakusugon an reserba kan nacion ngani na maibitaran an kakulangan sa supply sa panahon kan energy emergency.
Sa pag-abot kan shipment, uminabot na sa h aros 42 aldaw an national LPG inventory kan Pilipinas, na mas halangkaw kumparar sa minimum requirement na pitong aldaw.
Siring man, n agtetenir na halangkaw an presyo kan LPG sa merkado huli sa global market volatility.
Tinawan duon kan ahensya na an lakdang na ini an parte kan mas pinahewas na programa kan gobierno ngani na siertuhon na magpapadagos an suplay kan enerhiya, maibitaran an hoarding, asin mamantenir an presyo sa tahaw kan pangkinaban na pagbabago sa presyo.
