LEGAZPI CITY—Nakapag-secure an nacion na South Korea nin 273 million na bariles nin crude oil sa Middle East asin Kazakhstan na madurar hasta sa katapusan kan taong 2026 na kun sain an suplay an ipigpadara sa luwas kan Strait of Hormuz.
Segun ki Bombo International Correspondent South Korea Jun Balenton, sa intrevista kan Bombo Radyo Legazpi, na ini an resulta kan ginibong eight-day trip kan chief of staff kan Presidente kan South Korea sa Middle East sa paagi kan pakikipagkoordinar sa mga nacion kan Oman, Saudi Arabia, Qatar asin Kazakhstan.
Pinagbasehan suboot kaini an computation kan nakaaging taon na an 273 million na bariles nin crude oil an bastante sa laog kan tulong bulan sa irarom kan normal na operating conditions na warang kinakaipuhan nin kadugangang emergency measures.
Dugang kaini na bilang OFW an maogma siya sa lakdang na ini kan gobierno kan South Korea huli sa dae sinda masyadong nahahadit na makaapektar ini sa saindang trabaho.
Plano man suboot kan South Korea na an mga i-aangkat na gas asin krudo sa kun ano man an kulang sa saindang gastuson an sisimbagon man kan gobierno, na para saiya an dakula an maitatabang para sa mga negosyo sa nasabing nacion.
Basado man sa reports, na neutral an South Korea sa mga orolay mapadapit sa giyera ka Estados Unidos, Israel asin Iran.
Mientrastanto, tinawan-doon man ni Balenton na nasa maray sindang kamugtakan asin pigsisimbagan kan gobierno kan South Korea an presenteng namamatean na krisis.
