LEGAZPI CITY-Sinentensiyahan nin anom na bulan na pagkakakulong an American livestreamer na si Johnny Somali makalihis na mapatunayang nagkasala sa mga kasong may koneksyon sa public nuisance asin pagpapakalat kan sexual deepfakes sa Seoul, South Korea.
Segun sa korte kan South Korea, nagbayolar an 25-anyos na si Ismael Ramsey Khalid sa totoong buhay makalihis mag-post nin sensitibong video kan estatwang simbolo kan mga biktima kan World War II sexual slavery sa Korea.
Sinabi kan hukuman na pauru-utro suboot na nagsagibo nin mga bastos na gibuhon an akusado na nakakaapektar sa publiko, ngani sana makakuwa nin ganansya sa paagi kan online content.
Afuera sa pagkakakulong, pinagbawalan man si Khalid na makapagtrabaho sa mga organisasyong may kinaaraman sa mga menor de edad asin persons with disabilities sa oras kan saiyang paglaya.
Si Khalid, bisto sa saiyang kontrobersyal na content sa manlain-lain na nacion, kaiba an Japan asin Israel, kun saen pigrereklamo man siya huli sa suboot pangha-harass asin pagbayolar sa pampublikong kaayusan.
Padagos man an pigsasagibong imbestigasyon sa saiyang mga kaso mantang pinagbabawalan na maghale sa South Korea.
