LEGAPZI CITY-Ipighayag kan Alliance of Concerned Teachers na an mga paratukdo naggagastos nin mga P5,000 hale sa saindang bulsa para sa Brigada Eskwela.
Segun kay ACT Teachers Chairperson Ruby Ana Bernardo, sa intrevista kan Bombo Radyo Legazpi na mantang igwang trilyong piso na pindo sa edukasyon, dai man liwat ini namamatean kan mga paratukdo.
Siring man an mga magurang, na kinakaipuhan na maghanap nin donasyon o kaya maghugot sa saindang sadiring buls para sa mga pagsasaayos kan classrooms asin paghahanda sa pagbabalik eskuwela.
Dugang pa ni Bernardo na sa saindang pagbisita sa mga eskwelahan, kadakol pang dapat ayuson.
Sa saindang isinagibong survey, nagluwas na nasa 75% na mga paratukdo an nagsasabing igwa sindang ginastos gikan sa sadiring bulsa ngonian na school preparation na nagkakantidad nin hasta P5,000 o labi pa.
Pigsasabi man sa survey na kaipuhan asikasuhon an mga kakulangan sa eskwelahan arog kan klasrum, tukawan, textbook, classroom ventilation, siring man an mga banyo asin an mga labolatoryo.
Dagdag pa ni Bernardo na igwang agam-agam an mga paratukdo mapadapit sa three term school calendar sa pag-abot kan klase sa Hunyo 8.
Basado man suboot sa report kan EDCOM 2 na nasa 165,000 pa an kulang sa classrooms kun sain 51,000 digdi an haros 25-50 taon nang nakatugdok asin kaipuhan nin rehabilitasyon.
Sinabi pa kaini na nakaka-alarma an learning crisis ngonian sa mga estudyante asin overload sa mga paratukdo mapadapit sa mga pagbabago na mawot nindang mangyari, na dapat kuta na nagpapa-gian kan saindang pagtatao nin kalidad na edukasyon.
