Naghuma si Senadora Grace Poe na kukwestiyon an pondo kan Department of Public Works and Highways asin Metro Manila Development Authority sa isasagibong pagdangog para sa 2025 proposed national budget.
Kasunod ini kan naeksperyensyahan na mahiwasang pagbaha sa National Capital Region sa ibong kan bilyun-bilyon na pondong itinagama para sa flood control projects kan mga nasabing ahensya.
Segun kay Poe, kaipohan na maaraman kan publiko kung napapasain na an pondo na dae man namamatian huli sa padagos man giraray na pagbaha.
Dae suboot papalampason kan Senadora an siring na kapalpakan huli ta hali an pondo sa buwis kan mga Pilipino.
Naenot naman na inihayag ni Senate President Chiz Escudero na maglulunsar an Senado nin imbestigasyon nganing maaraman kung sain na napaduman an budget sa flood control projects kan mga nasabing ahensya.
