LEGAZPI CITY-Hinagad kan Department of Justice(DOJ) sa Metropolitan Manila Development Authority (MMDA) na ihiras an mga kopya kan CCTV footages kan mga pangyayari kan nakaaging semana sa Senado sa Pasay City.
Segun ki Justice Secretary Fredderick Vida, partikularmenteng naghagad sinda nin mga kopya kan footage kan Mayo 14, makalihis na magluwas sa Senado si Sen. Bato pasado alas 2 nin maagahon.
Katakod kaini, nakatalaan na magbisita sa Senado an Special Panel of Prosecutors ngani pisikal na inspeksyunan an lugar kun saen nangyari an insidente nin pambabadil.
An nabanggit na grupo, piglansar kan DOJ ngani magtutok sa imbestigasyon kan mga nakaaging pangyayari sa Senado.
Ipighayag man kan kalihim pagkaka resibe kan report kan National Bureau of Investigation asin sa Government Service Insurance System (GSIS).
Mientrastanto, naghagad nin dagdag na panahon an Philippine National Police (PNP) ngani isumiter an report huli sa padagos na pagkolekta nin mga dokumento.
