LEGAZPI CITY-Nagpirma an Pilipinas asin Japan nin tulong memorandum of understanding (MOU) ngani pakusugon an smart cities, digital connectivity, asin financial technology sa nacion.
Segun kay Department of Trade and Industry (DTI) Secretary Maria Cristina Roque na saksi sinda kaiba si President Ferdinand Marcos Jr. na nagpirma sa mga kasunduan na kinabibilangan kan Ayala Corp., Globe Telecom, Mitsubishi Corp., KDDI Corp., Mynt, asin Mitsubishi UFJ Financial Group (MUFG).
Obheto kan nabanggit na kasunduan na mas maglawig pa an kooperasyon sa ekonomiya, enerhiya, depensa, seguridad, maritime affairs, asin iba pang future-oriented sectors.
Mientras tanto, inanunsyo man ni President Marcos Jr. asin Japanese Prime Minister Sanae Takaichi an pag-usbong kan relasyon kan Pilipinas asin Japan sa paagi kan “Strengthened Strategic Partnership” pasiring sa “Comprehensive Strategic Partnership.”
Isinagibo ini makalihis an bilateral meeting at joint press conference sa Akasaka State House sa Tokyo, Japan bilang parte kan pagselebrar kan ika-70 anibersaryo kan diplomatikong relasyon kan duwang nacion.
