Kinumpirmar kan Senate Legislative Budget Research and Monitoring Office (LBRMO) na warang opisyal na dokumento o rekord na magpapatunay na si Senator Jinggoy Estrada an nagkaigwa nin insertions o amendments sa 2025 national budget katakod kan mga proyekto kan Department of Public Works and Highways (DPWH) sa Bulacan.
Sa saindang surat sa Office of the Ombudsman, nilinaw na gabos na ammendments an inaprubaran kan plenaryo asin pigkokunsiderar na hali sa Senado bilang institusyon asin dae maikakabit sa sarong partikular na senador.
An mga propuesto o rekomendasyon hali sa opisina kan lehislador an internal working documents sana asin bako parte kan opisyal na legislative records.
Ini an sa tahaw kan imbestigasyon kan Ombudsman katakod kan alegasyon na nakaresibe si Estrada nin kickbacks hali sa flood control projects, bagay na maduon kaining pinahimutikan.
Sa ibong kan kawaran nin opisyal na record, nagpapadagos an imbestigasyon ngani na maaraman an hewas kan anomalya asin paninimbagan kan mga imbwelto.
