LEGAZPI CITY-Padagos na namamayagpag an National Capital Region (NCR) sa Palarong Pambansa 2026 makalihis na mangenot sa partial asin unofficial medal tally poon kasuudma, Mayo 28.
Basado sa huring datos, nangenot an NCR na igwang 32 gold, 21 silver, asin 28 bronze medals para sa kabilugang 81 medalya.
Panduwa an Region IV-A (CALABARZON) na igwang 25 gold, 20 silver, asin 15 bronze medals o kabilugang 60 medalya.
Suminunod naman an Region VI (Western Visayas) na igwang 14 gold, 14 silver, asin 12 bronze medals na igwang kabilugang 40 medalya.
Nasa ika-apat na puwesto an Region VII (Central Visayas) na igwang 13 gold, 14 silver, asin 16 bronze medals (43 total), mantang nasa ikalima an Region III (Central Luzon) na igwang 10 gold, 7 silver, asin 8 bronze medals (25 total).
Mientras tanto, kaiba man sa nangengenot na rehiyon an Negros Island Region (NIR) na igwang 27 medalya, Region V (Bicol Region) na igwang 26 na medalya asin Region X (Northern Mindanao) na igwang 30 medalya.
Sa Mindanao, nakapagrehistro man nin darakulang pagkagana an Region XIII (Caraga) na igwang 25 medalya, asin Region XI (Davao Region) na igwang 23 medalya.
An Region VIII (Eastern Visayas), igwang 22 medalya, mantang an Region I (Ilocos Region) igwang 20 medalya.
Nasa hababang puwesto man an BARMM (Bangsamoro Autonomous Region in Muslim Mindanao) na igwang 1 silver medal, asin an Association of Philippine Schools Overseas (APSO) na wara pang medalya sa presente.
