LEGAZPI CITY-Nag-promesa an state witness na si dating Department of Public Works and Highways (DPWH) Undersecretary Roberto Bernardo na ibabalik niya an kabilugang P1 bilyon na kaban kan bayan.
Parte ini kan restitution kapalit kan paglaog niya sa Witness Protection Program (WPP) ngani magtestigo sa mga anomaliya sa flood control projects.
Naenot nang nakapagbalik si Bernardo nin labi sa P500 Milyon sa gobierno.
Sa saiyang pagtestigo sa bail hearing ni dating Senador Ramon Revilla Jr. asin kaparehong akusado sa kasong malversation sa Sandiganbayan, inako kan dating DPWH official an saiyang papel sa suboot korapsiyon sa mga proyekto asin pigsasabing nagbabasol siya sa pagigin parte kan sistema.
Nagtestigo man si Bernardo sa suboot tulong milyones na cash deliveries kay dating Senador Revilla kan taong 2024 asin 2025.
Pigheras man ni Bernardo na naghagad suboot si Revilla nin 25% na commitment para sa infrastructure projects, kabale an suboot ghost flood control project sa Pandi, Bulacan.
Sinabi man suboot saiya kan dating senador na makipag-koordinar ki dating DPWH Secretary Manuel Bonoan asin sa namaaram na si dating DPWH USec. Catalina Cabral, na mailaag sa 2025 General Appropriations Act (GAA) an proyekto sa Pandi, Bulacan.
