LEGAZPI CITY – Sarong lalaki an nahulog sa tulay sa Barangay Travesia, banwaan kan Guinobatan sa provincia kan Albay.
Segun ki Bureau of Fire Protection Guinobatan Fire Marshal Fire Senior Inspector Amor Laguilles sa intrevista kan Bombo Radyo Legazpi na may nakikoordinar sainda asin naghagad nin asistensya mapadapit sa pagkakahulog kan nasabing persona.
Pag-abot suboot ninda sa pinangyarihan kan insidente an tulos sindang nakipagtabangan sa mga otoridad arug kan kapulisan asin mga personnel kan Rural Health Unit kan nasabing banwaan nganing makuwa an biktima.
Nagdurar man nin kabangang oras an isinagibong retrieval operation huli sa kataasan kan pighulugan kaini kun kaya aminado siya na nadifisilan an saindang mga personel.
Sinabi pa kan opisyal na wara nang buhay kan makuwa an biktima na pigtutubudang may diperensya sa pag-iisip susog na man sa mga salaysay kan mga nakahiling sa pangyayari.
Pangapodan niya sa publiko na magin maingat asin mapagmatyag partikular na sa palibot nganing makalikay sa mga dae pinaglalaomang insidente.
Mientrastanto, pighayag man ni Laguilles na padagos man an pagbabantay kan Bureau of Fire Protection Guinobatan nganing maibitaran an insidente nin kasulo.
