LEGAZPI CITY – Pinugulan kan Sangguniang Panlalawigan kan Albay an sarong proyektong nagbubusol na pailawan an Bulkang Mayon.
Segun ki 2nd District Board Member, Chairman Committee on Tourism Atty. Melissa Abadesa-Armedilla sa intrevista kan Bombo Radyo Legazpi na pig-aprobaran tulos kan sanggunian an sarong resolusyon na pagpapailaw sa bulkan.
Nakapalaog sa resolusyon an saindang kahagadan sa TIEZA (Tourism Infrastructure and Enterprise Zone Authority) na punduhon an implementasyon kan nasambitang proyekto.
Gabos suboot magin si Albay Acting Governor Glenda Bongao asin an ciudad nin Legazpi an may kahagadan na ipapundo an pagpapailaw sa bulkan.
Pigtaram pa kan opisyal na piggigibuhan ninda nin aksyon pasaro-saro huli ta kun iisipon suboot dae ini nag-agi sa sangguniang panlalawigan nganing mahiling kuta ninda kun ano an mismong nakapalaog sa proyekto.
Pigdugang niya man na an provincia kan Albay partikulamente an Bulkang Mayon an ipigdeklarar na biosphere reserve area kun sain bawal an mga ano mang development na makakaraot sa komunidad asin sa palibot.
Igwa man suboot na presenteng aplikasyon sa UNESCO para sa pagdeklara na saro sa mga world heritage site asin mas lalong dae maaaprobaran ini kun mararaot an natural beauty kan bulkan Mayon.
Pigtawan doon ni Armedilla kadaklan man suboot sa mga pigdadarang national project pasiring sa Albay an dae nagkakaigwa nin konsultasyon sa provincial government.
Pig-asigurar kaini sa mga albayano na dae sinda magbubuta-butahan sa mga sitwasyon na pwedesir ikaraot kan enterong provincia.
