LEGAZPI CITY- Pinaglalaoman na maruso pa an mga pasahero sa pantalan kan Matnog hasta sa weekend.
Ini an kasunod kan pinag-aantisiparan na pagbabalik kan mga biyahero sa kanya-kanyang mga provincia kasunod kan holiday season.
Segun ki Philippine Ports Authority Media Relations Officer Achilles Galindes na durante kan pagsabat kan bagong taon, wara man na mga na-octabang biyahe sa pantalan kaya nakahabol pa an mga ini sa biyahe.
Basado sa datos kan ahensya puon kan Disyembre 16 hasta alas-8 nin aga ngunyan na Enero 2, nasa 81,000 na mga pasahero an nagruso sa Matnog port pasiring sa Visasyas asin vice versa.
Katakod kaini, sinierto kan opisyal na nakahanda an saindang mga personahes ngani na magtaong asistensya sa mga biyahero.
