LEGAZPI CITY-Pigkakahaditan kan sarong residente sa Barangay Anoling sa Camalig Albay an saiyang mga pananom huli sa padagos na aktibidad kan Bulkang Mayon.
Segun kay Armando Nacor sarong residente kan nasabing barangay sa intrevista kan Bombo Radyo Legazpi na mantang pagkokopra an saiyang hanap buhay, difisil para sa saiya na bayaan an saiyang mga pananom.
Alagad, pigkakahaditan man niya an pagbuga nin abo hale sa Bulkan enkaso magtuga an Mayon na posibleng delikado para sa sainda.
Tulos man suboot sindang nageebakwar enkaso magin delikado ini para sa saindang seguridad mantang pigpapaebakwar na sinda kan gobierno.
