LEGAZPI CITY-Makakaresibe nin emergency cash assistance an mga apekatadong paraooma huli sa mahiwasang pagbagsak kan ashfall dara kan Bulkang Mayon, susog sa Department of Social Welfare and Development (DSWD) Bicol.
Sa sarong pahayag, sinabi ni DSWD Bicol Regional Director Norman Laurio, na nasa 6,411 na mga paraooma hale sa mga apektadong munisipyo asin ciudad an matatabangan kaini.
Makakaresibe an kada paraooma nin humigit kumulang P10,200 na cash assistance sa irarom kan Emergency Cash Transfer (ECT).
Nai-forward na man suboot an proposal kaini sa central office asin posibleng magkaigwa na nin tentative payout sa maabot na Lunes, sa sunod na semana.
Target na matawanan kan nabanggit na asistensya an mga lugar kabale an Daraga, Guinobatan, asin Camalig na pinakaapektado kan ashfall emission kun sain namuti asin nagadan an mga ataman na hayop asin pananom.
Mientras tanto, naenot naman na nakapagtao nin cash for work assistance an ahensya sa mga nasa 6km permanent dangeor zone kan Pebrero 2026.
