LEGAZPI CITY-Pangapudan kan grupo nin mga paratukdo na rebisahon an Academic Recovery and Accessible Learning o ARAL Program kan Department of Education (DepEd).
Segun kay Teachers Dignity Coalition Chairperson Benjo Basas, sa intrevista kan Bombo Radyo Legazpi na gari dai pa handa an field huli sa kawaran nin materials asin haros warang nagtutugot na magtukdo para digdi.
An nasambitang programa obhetong tuganan an mga kakulangan sa kaaraman kan mga estudyante sa saindang pagbasa, matematika, asin agham.
Dagdag pa ni Basas na an tunay na intensyon kan programa, iyo an remediation asin magkaigwa an mga joven nin mas makaukod.
Alagad, problema suboot ngonian an kawaran nin mga paratukdo asin mawot na mag-volunteer para sa programa.
Kun kaya, kadalasang nangyayari, pinu-pwersa an mga paratukdo.
Nagkapirang kaso man suboot na igwang nag-ambagan an mga paratukdo ngani sana magkaigwa nin sahod sa pag-tutor.
Nilinaw man ni Basas na igwang budget allotment an programa na haros P2-Bilyon na prescribe kan DOLE.
Pangapudan man kan opisyal na ma-review kan DepEd an programa huli ta pigkakahaditan na bako pa handa sistema, asin magtao nin mga realidad na solusyon.
