LEGAZPI CITY—Liwat na pinagiromdan kan kapulisan kan Albay na ipinagbabawal an paglaog sa 6-kilometer permanent danger zone kan bulkang Mayon huli sa posibleng dara kaining huma sa publiko.
Segun ki Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi, en kaso suboot na may madakop sindang indibidwal na nagbabalgar sa nasabing patakaran an pwedesir ninda ining arestaron asin sunadan nin administrative case o criminal charges.
Igtutugutan man ninda an mga residenteng na reparuhon an saindang mga ataman o kabuhayan na dae na sakop kan sa 6-kilometer permanent danger zone alagad kinakaipuhan ninda na magwalat nin ID asin tulos man giraray na mabalik sa mas salbadong lugar.
Mientrastanto, dugang ni Nuñez na magkakaigwa sinda nin extension sa deployment sa mga border control points kan bulkan nganing masierto na nagsusunod an namamanwaan sa saindang rekisitos.
Tinawan-doon kan hepe na madoble sinda sa paghihigpit huli sa may nagkapirang indibidwal an nagtitinir na pasaway na naglalaog sa danger zone kan nasabing bulkan.
