LEGAZPI CITY-Inaprubaran na kan Sangguniang Panlalawigan kan Albay an pagdeklara kan State of Calamity sa walong apektadong Local Government Units (LGU) huli sa padagos na aktibidad kan Bulkang Mayon.
Susog kay Albay Public Safety and Emergency Management Office (APSEMO) Chief Bobby Cristobal, na kaipuhan na mag-deklarar nin state of camality ngani makapagtao nin asistensya asin mamanihar an presenteng sitwasyon.
Basado sa pinakahuring datos kan ahensya na nasa 80 barangay an apektado haros sarong oras na pagbagsak kan ashfall kan Sabado, Mayo 2, kabale na an 16 na barangay sa Camalig, 44 barangay sa Guinobatan, asin 19 barangay sa Ligao City.
Nasa apat na evacuation centers man an igwa sa presente poon kan Enero sa banwaan kan Tabaco, Malilipot, Camalig asin Ligao City.
Mientras tanto, nag-abot sa 47 an apektadong livestock sa Camalig, siring man sa banwaan kan Daraga.
Padagos man an pagpapadara ninda nin tabang, arog kan hygiene kit, facemask asin iba pang mga asistensya
