LEGAZPI CITY-Nakatakdang mag-isyu an Criminal Investigation and Detection Group (CIDG) nin subpoena kontra ki Senador Ronald dela Rosa katakod kan imbestigasyon sa suboot extrajudicial killings (EJK) sa Davao City.
Sa sarong press briefing ngonian na aldaw, pigklaro ni Interior Secretary Jonvic Remulla na bako ining mandamiento de aresto kundi subpoena sana, na nakatalaan na isangat sa aga, aldaw nin Lunes.
Segun ki Remulla, may koneksyon ini sa imbestigasyon kan House Quad Committee sa panahon kan pagserbi ni Dela Rosa bilang hepe kan Davao City Police Office asin kan siya huring nagin hepe kan pulisya sa rehiyon kan Davao.
Dugang pa kan opisyal, parte ini kan nagpapadagos na imbestigasyon sa mga alegasyon kan EJK durante kan serbisyo ni Dela Rosa sa pwersa kan pulis kan administrasyon ni dating Presidente Rodrigo Duterte.
