Hinali kan prosekusyon kan International Criminal Court (ICC) ang sarong insidente sa trial brief laban kay dating Presidente Rodrigo Duterte, alinsunod sa orden kan Trial Chamber antes an opisyal na pagpuon kan paglilitis sa Nobyembre 30, 2026.
Sa sarong dokumentong isinunad sa korte, sinabi kan prosekusyon na hinali kaini an Incident 57 sa trial brief asin sa katakod na mga annex kaini, kasunod kan kasuguan kan Trial Chamber.
Rinibayan nin markang “[DELETED]” ang gabos nin references sa nasabing insidente nganing mamantinir an cross-referencing sa dokumento.
Siring man, dae isiniwalat kan prosekusyon sa publiko kun anong partikular na kaso o pangyayari an pigtutukoy kan Incident 57 huli kompwesto ini nin sensitibong impormasyon mapadapit sa mga testigo.
Segun pa sa prosekusyon, warang pagbabago sa listahan kan mga testigo asin iba pang katakod na listahan. Ipigdoon man kaining nagtitinir sa iba pang mga insidente an mga elementong may koneksyon sa crimes against humanity asin sa suboot paninimbagan ni Duterte.
Padagos na pinag-oolayan kan prosekusyon asin kan defense group ni Duterte an mga ebidensiyang inihampang sa korte antes an paglilitis.
Naenot nang nagpahayag niin pagkahandal an depensa sa kadakol kan mga ebidensiyang isinumiter kan prosekusyon.
Presenteng nakakarsel si Duterte sa ICC sa The Hague, Netherlands, katakod kan kasong kasong crimes against humanity na nag-ugat sa kampanya kontra droga kan siya an presidente.
Dae mababa sa 6,000 katawo an nai-report na nagadan sa kampanya kontra droga, mantang pigkarkulo kan mga human rights group na pwedesir nag-abot sa 30,000 an numero kan mga nagadan huli digdi.
