LEGAZPI CITY-Inako kan sarong residente hale sa 6-km Permanent Danger Zone sa Calbayog, Malilipot Albay na nadidifisilan sinda sa pangurualdaw na pamumuhay huli sa kawaran nin hanapbuhay mantang nagaalburuto an Bulkang Mayon.
Segun kay Cherryl Volante, sarong evacuee asin residente kan nasabing barangay, sa intrevista kan Bombo Radyo Legazpi na bilang saro sa mga nagtatrabaho sa handicraft, nadifisilan sinda ngonian huli sa yaon duman an saindang hanapbuhay.
Pigebakwar suboot sinda poon pa kan Enero 7, asin sa ngonian pigpoproblema ninda kun sain sinda makuwang kwarta sa pangurualdaw.
Sinabi pa niya na problema sa sainda ang pangbakal nin pagkakan huli sa kawaran ninda nin trabaho.
Nakapagtao man suboot nin asistensya asin mga ready-to-eat meal asin ngonian pighahalat pa ninda an TUPAD program.
