LEGAZPI CITY – Pighayag kan sarong weather specialist na makaka-eksperyensya nin halangkaw na heat index an rehiyon Bicol sa aldaw nin pirilian.
Segun ki Melvin Almojuela sa intrevista kan Bombo Radyo Legazpi na pwedesir umabot an heat index sa ciudad nin Legazpi sa Mayo 12 nin 39 degrees celcius hasta 40 degrees celcius.
Base man sa saindang latest monitoring na nagsasalitan an Camarines Sur asin Masbate huli ta nag-aabot an mga ini nin 40-43 degrees celcius asin maikokonsidera na nasa danger category.
Afuera kaini, easterlies o maalinsangang paros na hale sa sirangang kadagatang pasipiko an padagos suboot na makakaapektar sa enterong nacion partikular na sa rehiyon bikol.
Pigtaram pa kan nasabing specialist na magkakaigwa man ninda bahagyang panganuron sagkod mapanganuron na kalangitan na may pagkikilat asin pagdaguldol.
Laoman man giraray suboot sa lunes an mga isolated rain shower asin localized thunderstorm na dara man liwat kan amihan.
Suhestyon niya man magsulot nin mga maaliwalas na mga kulay nin mga bado, ibitaran an labing pagbalad sa init kan saldang, permihang mag-inom nin tubig asin likayan an pag-inom nin kape tuyong mainit an panahon.
Dugang pang pagirumdom ni Almojuela sa mga botante na maboto sa 2025 Midterm Election na magtenir an mga ini sa mga malimpoy na lugar, magdara nin payong asin amayan an pagboto nganing bako pa mainit an panahon.
