LEGAZPI CITY- Arestado na kan mga otoridad an rank 1 municipal most wanted sa Gigmoto, Catanduanes makalihis an pagtatago sa ley.
Segun ki Police Corporal Mario Coral, Police Community Affairs and Development, Police Non-Commissioned Officer kan Gigmoto Municipal Police Station sa intrevista kan Bombo Radyo Legazpi na nahahampang an nasabing suspek sa kasong pagbayolar sa Cybercrime Prevention Act.
Afuera digdi, nahahampang man an suspek sa kasong robbery.
Ipinagpapasalamat man kan opisyal na dae na nanlaban pa an 19-anyos na akusado asin marikas man na nakipag koordinar sa mga kapulisan.
Sinabi ni Coral na dae man nagkukulang an mga otoridad sa pagpapagirumdom sa mga jovenes dapit sa tamang pagsunod sa ley asin pag-ibitar sa mga iligalidad.
