LEGAZPI CITY- Naipanao na kan Provincial Social Welfare and Development Office Albay an P10,000 Sustainable Livelihood Program o SLP cash assistance para sa 168 na mga benipisyaryo hale sa man laen laen na munisipyo kan probinsya.
Segun kay Ma. Vivien Cea, an head kan Albay PSWDO sa intrevista kan Bombo Radyo Legazpina igwa pang masunod na batch kan payout kun saen ini pa sana an enot na batch kan pagtatao nin SLP sa mga benipisyaryo na igwang kakayanan na magpadalagan nin mga livelihood projects.
Dugang pa kan opisyal, na prayoridad sa nasabing asistensya an mga nasa disadvantage sector arog kan mga solo parents, kababaihan, senior citizens, asin mga naging biktima nin pang-aabuso.
Mientrastant, naging maogma suboot an mga nakaresibe kan nasabing ayuda gikan sa probinsya kan Albay kun saen dakulang katabangan para mapalago asin makapagpuon nin negosyo an mga ini.
