LEGAZPI CITY-Sisibakon sa pwesto an mismong Chief-of-police asin iba pang personnel kan Sorsogon Police Provincial Office makalihis na ma-imbuelto sa iligal na cockfighting o “tupada”.
Segun kay Sorsogon Police Provincial Office Police Information Officer Police Major Arwin Destacamento, sa intrevista kan Bombo Radyo Legazpi na dai pigkukunsinti an siring kaining aktibidad sa ley asin kun mapapatunayan, tulos na mapapanimbag sinda asin igwang hahampangon na karampatang kaso.
Isinagibo an lakdang kan Sorsogon Provincial Office an propwesto na “one strike policy” kun sain nagkaigwa nin pagsasalin kan Chief-of-police kan city polce station huli sa nagkakalat na isyu.
Huli digdi, propwesto na halion sa pwesto an hepe kasabay an iba pang kaiba kaini.
Sa presente, nagkokondusir na nin mabusising imbestigasyon manungod sa isyu.
Sinabi ni Destacamento na nasa irarom ngonian sa kustodiya an mga ini sa provincial office ngani na mag-report mantang nagpapadagos pa an saindang imbestigasyon.
Nagpaluwas na man sinda nin statement mapadapit sa nabanggit na isyu asin nagpasalamat sa kooperasyon kan barangay ngani matuldukan an siring na mga iliigal na aktibidad.
