Piglalaoman an panibagong pagtaas sa presyo kan mga produktong petrolyo sa maabot na semana.
Segun sa Department of Energy, pigkakarkulong mahalangkaw nin P0.45 hasta P0.75 kada litro an gasolina, mantang P0.30 hasta P0.60 man an sa diesel.
An kerosene an posibleng maghalangkaw nin P0.15 hasta P0.30 kada litro.
An paghalangkaw na ini an pigbabasaol sa naglalalang tensyon sa Middle East asin sa pinakusog na mga sanctions kan Estados Unidos laban sa Iran asin Russia.
An mga kompanya kan langis an kalimitang nag-aanunsyar nin mga pagbabago sa presyo kada Lunes, na ipigpapaotob man kada aldaw nin martes.
Kan nakaaging martes, kadiit na nagbaba an presyo kan gasolina nin P0.10 kada litro, siring man an diesel asin buminaba man nin P0.10 asin P0.30 kada litro sa kerosene.
