LEGAZPI CITY – Napansin kan sarong political professor na warang kaaraman an nagkapirang senador an saindang trabaho bilang senator judge mapadapit sa impeachment trial ni Vice President Sara Duterte.
Segun ki UST Manila Department of Political Science professor Paul Francisco sa intrevista kan Bombo Radyo Legazpi na dae aram kan mga senator judge an konsepto kan due process huli sa paghagad ninda nin dismissal kan nasabing impeachment trial.
Dae sinda pwedesir suboot maghagad nin dismissal huli ta bako man sinda abogado kan Bise kundi saro sindang hukom sa nasabing trial.
Punto pa niya na aram na kan mga senador an saindang trabaho nganing pumabor sana sainda an mga bagay bagay.
Pigtaram pa kan Political Professor na nangyayari ini gabos huli ta pigtutugutan an mga siring kaining pag-uugali partikulamente na sa pagboto sainda.
Ini man an enot na bes na nangyari sa historya kan politika sa pilipinas na naibalik sa an impeachment trial, nasa house of representative na suboot an bola kun papano mape-pressure an senado na isagibo ini.
Maski ano pa an mangyari sa impeachment kan bise an dakula na an magigin epekto kaini sa integridad kan Senado asin sa pagboto kan mga botante urog nang mamatean ini sa 2028 Presidential Election.
Kun si Francisco an hahaputon, wara nang mangyayari ngonian na aldaw sa impeachment court huli ta na-adjourned na ini kasubanggi kasunod kan resolution na ipigmukna kan mga senator judges.
