LEGAZPI CITY—Timbog sa ginibong operasyon kan mga otoridad an Rank No. 2 Most Wanted Person kan banwaan kan Castilla, Sorsogon sa Brgy. Dinapa kan nasabing lugar.
Binisto an suspek na si Alyas “Deborah”, 33-anyos na naarestar sa bisa kan warrant of arrest katakod kan kasong Qualified Rape na warang pigrekomendang piyansa asin Rape by Sexual Assault na may inirekomendang piyansa na P200,000.
Sa ngunyan nasa kustodiya na ini kan Castilla Municipal Police Station para sa magkakanigong dokumentasyon asin tamang disposisyon.
Mientrastanto, padagos man na pigpapahigot kan mga kapulisan an kampanya laban sa mga wanted person nganing mamantinir an katoninongan asin kaayusan sa nasabing komunidad.
