LEGAZPI CITY-Nagpatanid si National Bureau of Investigation Director (NBI) Melvin Matibag laban sa pagtugot kan Senado na maging kanlungan kan mga pinaghahanap sa ley.
Ini makalihis na tinugutan kan Senado na makadulag si Senador Ronald Bato Dela Rosa na igwang mandamiento de aresto hale sa International Criminal Court.
Dugang pa kan hepe kan National Bureau of Investigation na kun gigibuhon ini kan Senado, delikado asin makakaraot sa pagtubod kan publiko.
Maraot man suboot ini sa imahe kan Senado huli ta gari nagiging sirongan o pailihan na sinda kan mga tawong igwang pig-aatubang na kaso.
Magigirumduman na maski pa pigasigurar kan Senado na saindang ikukustodiya si Dela Rosa o ilalaag sa ‘protective custody’ asin saindang itatao sa kapulisan, alagad pinabayaan suboot na makatakas an Senador.
