Preparado na si Senador Sherwin Gatchalian na pamayuhan an Senado en kaso iboto siya kan mga kapwa niya senador sa nasabing posisyon.
Ginibo ni Gatchalian ang pahayag sa tahaw kan padagos na orolay kan pagriribay kan liderato, kan niribayan ni Senador Alan Peter Cayetano si dating Senate President Vicente Sotto III.
Segun sa senador, sa hiling niya na bastante na an saiyang halabang eksperyensya sa Senado, kabale an pagkapot kan darakulang komite, para pamayuhan an Mataas na Kapulungan.
Ipigpaubaya na niya sa Diyos ang gabos asin kung kapalaran niya na pamayuhan an Senado.
Si Gatchalian an parte kan 11 miyembro kan minority bloc na bumoto laban sa bagong Senate President Alan Peter Cayetano.
Sa presente, 12 na sana an miyembro kan majority bloc na pinamamayuhan ni Cayetano makalihis maghale si Senador Ronald “Bato” dela Rosa sa kustodiya kan Senado kan Mayo 14, pirang oras makalihis an nangyaring putukan kan Mayo 13.
Naenot nang sinabi ni Senador Erwin Tulfo na padagos man liwat an pagporbar na ribayan kan liderato sa Senado.
Nagsayuma man si Tulfo na simbagon kun igwa sindang pigkumbinsi hale sa majority bloc na maglipat sa saindang hanay.
