LEGAZPI CITY-Ipinahayag ni Batangas Rep. Gerville Luistro na magpapadagos an impeachment trial kontra ki VP Sara Duterte dawa dai ini personal na mag-atendir sa mga hearing kan Senado.
Segun ki Luistro, nakasurat sa Senate impeachment rules na pwedisir ipadagos an paglilitis maski pa dai magsumiter nin simbag o dae mag-atubang an bise presidente asin an saiyang legal team.
Saiyang sinabi na an dai pag-atendir ni Duterte sa paglilitis awtomatikong ikokonsiderar na “not guilty” plea.
Tinawan-duon man ni Luistro na an padagos na pagliban ni Duterte, posibleng magin “disadvantageous” sa saiyang depensa huli ta importanteng hampangon asin simbagon an mga alegasyon sa impeachment proceedings.
Dati nang sinabi kan kampo ni Duterte na nakadepende sa pangangaipo kan korte an pag-atendir kan bise presidente sa impeachment trial.
