LEGAZPI CITY—Ipigdoon kan sarong propesor na dae ipagsawalang-bahala an isyu kan impeachment trial ni Vice President Sara Duterte sa ibong kan kadakol na problemang pigkakahampang kan mga ordinaryong namamanwaan sa pang-uro aldaw sa nacion.
Segun ki Prof. Francisco Riodique kan FEU Political Science Department, sa intrevista kan Bombo Radyo Legazpi, na bako sa pighuhusgahan si VP Sara kundi an kamawotan sana na matapos na an kariribokan mapadapit digdi.
Huli sa kun dae ini mawawakasan an habambuhay kaining padagos na ‘mumultohon’ suboot an Pilipinas.
Dugang niya \na kun totoong may kasalan an bise presidente an dapat igwang accountability huli sa warang demokrasya an matibay kun warang institusyon asin may paninimbagan.
Tinawan-doon ni Riodique na kasing-importante ini kan kumakalam na sikmura asin pang-uro aldaw na problema kan mga Pilipino, kaya pareho dapat na dae an mga ini ipagsangtabi.
