LEGAZPI CITY — Liwat na nagpagirumdom an hepe kan Sto. Domingo Municipal Police sa Albay sa mga magurang na bantayan an mga aki tuyong nagkakarigos sa mga pool o dagat.
Kasunod ini kan nairehistrong diritan nang pagkalamos kan sarong 5-anyos na aki na maswerteng na-revive.
An dae na pinangaranang aki an bako man suboot guest sa sarong resort sa lugar kundi kataid sana kan resort.
Sa intrevista kan Bombo Radyo Legazpi ki Pol. Captain Genevieve Oserin, nagtao na nin abiso sa mga resort owners na magdesignar nin lifeguard tangarig magbantay sa mga bisita urog na sa mga kaakian.
Abiso pa kaini sa mga magurang na dae pagbayaan an mga menor de edad na aki kun nagkakarigos sa dagat asin dae man giraray paglingawan an security measures maski nag-oogma.
Dugang pang tangarig makalikay sa mga salisi, dae na pagdarahon pa an mga valuables siring kan cellphone, kwarta asin iba pa.
