LEGAZPI CITY—Nagresulta sa pagkakahulog kan mga kargang bote nin mga arak makalihis na dae na kayanon kan truck an gabat kaini asin nagsemplang sa Barangay Salugan, Camalig, Albay.
Segun ki Camalig Municipal Police Station Officer in Charge Police Lieutenant Cynthia Sallan, sa intrevista kan Bombo Radyo Legazpi, pasiring sa ciudad kan Legazpi an truck asin huli sa gabat kan karga an buminigay ini pag-abot sa kurbadang parte kan lugar rason nganing magkahurulog an karga kaini sa tinampo.
Makalihis an insidente tulos man ining nilinigan, asin segun sa opisyal na salbado man an drayber asin pahinante kan nasabing behikulo, siring man na warang nairido o nadamay na iba pang indibidwal.
Dugang kan opisyal na nagkurua man an mga bystandedrs sa lugar kan mga nahulog na bote nin mga arak.
Mientras tanto, abiso man ni Sallan sa namamanwaan na magsunod sa mga ley huli sa para man ini sa saindang kaligtasan.
