LEGAZPI CITY—Maabot sa 124 na delegado kan provincia kan Albay an nakatalaang magpartisipar sa gigiobohon na Palarong Pambansa 2026 sa Agusan del Sur.
Segun ki Schools Division Office Albay Spokesperson Froilan Tena, sa intrevista kan Bombo Radyo Legazpi, naghali na an mga atleta kasoodmang aldaw pasado alas-8 nin aga.
Sinabi kaini na nagkaigwa nin concentrated training nin sarong bulan antes pa man magpasiring sa Agusan del Sur an mga nasabing atleta.
Naenot na man suboot na magpasiring sa Agusan del Sur an mga coaches, mga chaperone, kaiba sa pag-coverage sa Palarong Pambansa 2026 nganing ayuson an mga billeting areas.
Mientrastanto, nagpaabot man nin pagbati an opisyal sa gabos na atleta, coaches, chaperone, asin mga magurang kan kajovenesan na nakasuporta sa saindang mga aki.
