LEGAZPI CITY- Pinuunan ngunyan na aldaw an agri-fiesta sa Albay na nagtato nin pagbisto sa mga paraoma sa provincia.
Segun ki Albay Provincial Veterinary Head Dr. Pancho Mella sa intrevista kan Bombo Radyo Legazpi na sa paagi kan aktibidad, natatawan nin importansya an nasa agriculture sector, na responsable sa pagpapakaon sa mga namamanwaan.
Ini an kasabay pa kan harvest season tuyong bulan nin Mayo.
Hali sa dating sarong semana na agri-fiesta, ginibo ining duwang aldaw na sana huli sa mga angat na pigkakahampang kan nacion partikular an presenteng krisis.
Naitampok ngunyan na aldaw an mga preskong gulay, prutas asin iba pang mga lokal na produkto kan mga paraoma.
Sa aga man, Mayo 29, itatampok man an mga livestock farmers.
Segun ki Mella na igwang mga inimbitaran na mga kumpanya, bangko, asin iba pang stakeholders ngani na makapagtao nin giya sa mga paraoma dapit sa manlain lain na mga programa na pwedesir nindang maaprobitsaran.
